Excitavit hic ardor milites per municipia plurima, quae isdem conterminant, dispositos et castella,
sed quisque serpentes latius pro viribus repellere moliens, nunc globis confertos, aliquotiens et dispersos multitudine
superabatur ingenti, quae nata et educata inter editos eos ut loca plana persultat et mollia,
missilibus obvios eminus lacessens et ululatu truci perterrens.
